Православная Церковь Успения Пресвятой Богородицы

Приход Русской Православной Церкви За Рубежом

Владыко Вседержителю, Святый Царю. Призри с небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения на земле Украины. Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и вовеки веков.
 
Еще молимся Тебе, Господи Вседержителю, о еже умирити сотрясаемую междоусобною бранию мать градов русских Киев, и всю страну Киевския Руси, силою благодати Пресвятаго Твоего Духа, погасити всякую ненависть и ожесточение, благости Источение и человеколюбия Пучино, скоро услыши и, яко милосерд, помилуй.